Tey ymisku linsusløgini

Eindagslinsur eru linsur, ið eru væl egnaðar til teirra, ið vilja hava nýggjar og reinar linsur í eyguni hvønn dag. Tær hóska eisini væl til teirra, ið skifta millum brillur og linsur. Ikki er neyðugt at nýta reinsuvesku. Hesar linsur skulu beinast burtur tá ið tú hevur brúkt tær í ein dag.

14 dagar linsur eru linsur, ið eru egnaðar til teirra, sum av einhvørji orsøk ikki vilja ella kunnu brúka mánaðarlinsur, tí tær longu skulu skiftast út eftir 2 vikum. Tær eru ikki so dýrar sum eindagslinsur. Tey, ið hava fingið viðmælt at taka tær úr eygunum hvørt kvøld, mugu leggja tær í reinsivesku. Linsurnar skulu beinast burtur eftir 2 vikum.

Mánaðarlinsur eru ein bíligari loysn, um talan er um linsur, ið tað ikki ber til at sova við. Tær mugu úr eygunum hvørt kvøld at vera reinsaðar og skulu beinast burtur aftan á 30 dagar.
Døgnlinsur, sum eru gjørdar úr einum serligum silikonutilfari, kunnu sita í eygunum alt samdøgrið í 30 dagar og síðani beinast burtur. Døgnlinsur eru bert til teirra, ið hava fingið tær viðmældar av autoriseraðum linsuoptikara.

Døgnlinsur eru sum áður nevnt, linsur, ið kunnu sita í eyganum alt samdøgrið, hetta tí at tær eru gjørdar úr serligum tilfari, ið ger, at eyguni kunnu “anda”. Hesar linsur mugu einans nýtast av viðskiftafólkum, ið hava fingið tær viðmæltar av autoriseraðum linsuoptikara. Vanliga er tað ikki neyðugt at nýta reinsivesku til hesar linsur. Summi velja tó at taka linsurnar úr hvørt kvøld ella bara av og á. Linsurnar mugu beinast burtur aftan á 14 ella 30 dagar, alt eftir, hvat autorisaraði linsuoptikarin hevur viðmælt.

Progressivar linsur eru linsur, ið eisini eita bifocalar ella multifocalar linsur. Men felags fyri tær allar er, at tær kunnu nýtast bæði til nær og fjar. Tær eru framleiddar til teirra, ið eru farin at hava ringt við at lesa og síggja smálutir tætt hjá. Tær finnast sum eindagslinsur, mánaðarlinsur, døgnlinsur og toriskar linsur.

Toriskar linsur eru linsur, ið rætta upp bygningsfeil (astigmatismu) á eygunum, bæði nær og fjar. Tær fáast sum eindagslinsur, 2-viku linsur, mánaðarlinsur, døgnlinsur og progressivar linsur.

Litaðar linsur eru linsur til teirra, ið ynskja sær ein annan eygnalit. Tær fáast bæði við og uttan styrki. Tó eru avmarkingar í styrkjunum. Litaðar linsur eru ikki gjørdar til døgnbrúk og mugu úr eygunum hvørt kvøld at verða reinsaðar. Tær fáast sum eindagslinsur og mánaðarlinsur.